PMS atuarfiani malittareqqusat:
PMS atuarfiata pingaartillugit tunngavigisai aallaavigalugit atuarfimmi siulersuisut sinaakkutissanik, angajoqqaat, atuartut ilinniartitsisullu sapinngisamik pitsaasumik sulisinnaaniassammata suliaqarsimapput, taamaasilluni atuarfiup siunertani angusinnaaniassammagit – kiisalu tamanut ornikkuminartuuniassammat.
A: Inatsisitigut malittareqqusat
Atuarfik pillugu Inatsisartut peqqussutaat nr. 8, 21. maj 2002-meersoq malillugu tullinnguuttut atuupput:
1. Atuarfimmi sulinissamut akornusersuisoqassanngilaq torersuussallunilu, taamaasilluni atuarfimmeeqatigiinnissaq eqqissisimaffiussalluni imminullu ataqqeqatigiiffiulluni. Tak. § 2 imm. 2.
2. Atuartut suliat suliakkiutigineqartut sapinngisamik naammassissavaat, atuartsinerup nalaani ilinniartitsisut suleqatigalugit innersuunneqartut innersuussutigineqartullu allat malinneqassapput. Takuuk peqqussummi § 2, § 25, § 28.
3. Atuartut atuanngitsoorsimagunik, friissagunik, inortuigunilluunniit tamanna angajoqqaavisa oqarasuaatikkut nalunaarutigissavaa atuartorluunniit allakkamik klasselæriminut nassataqassaaq. Takuuk peqqussummi § 28 im. 3.
4. Ilinniartitsisut, atuartut angajoqqaallu suleqatigiissapput ikioqatigiillutillu, taamaasilluni tamarmik ataatsimoorlutik atuartunut ataasiakkaat ajunngitsumik atuarnissaannut akisussaaqataallutik. Takuuk peqqussummi § 2 imm. 1, § 17 imm. 3 – 4, §18 imm. 1 – 2.
B. Malittarisassat nalinginnaasut
1. Atuarfimmi atuartut ataqqeqatigiissapput, allanik ikiuisarlutik sakkortusaarnerillu pinaveersimatillugit.
2. Sunilluunniit qinngasaarisarneq atuarfimmiit akuersaarneqanngilaq.
3. Inini atuartitsiviusuni, anitsiartarfinni, anartarfinni atuarfiullu silataani torersuunissaq eqqiluitsuunissarlu atuartut peqataaffigissavaat. Akunneq atuartitsiviusoq kingulleq qaanngiukkaanat issiaviit qaqinneqartassapput inilu torersarlugu qimallugu.
4. Atuarfiup atortui pequtaalu mianerineqassapput, atuarfiullu pigisaanik piaaraluni ajoqusiisoqarpat taarsigassanngortitsisoqassaaq.
5. Allamik isumaqatigiissuteqartoqartinnagu atuartut atuarfiup nalaani atuarfimmiittussaatitaapput.
6. Atuartut eqqissisimasinnaagunik naalallutillu anitsarfiup nalaani gangimiissinnaapput atuartitsivimmiissinnaallutilluunniit.
7. Atuarfimmi sulisunut annersaasoqartillugu qonusaarisoqartilluguluunniit atuarfik pisoq pillugu (IMAK + SULIFFIMMI NAKKUTILLIISOQ) politiinut nalunaarutiginnittussaatitaavoq.
8. Meeqqanik inuusuttunillu ikiorsiisarneq pillugu Inatsisartut peqqussutaat nr. 1, 15. April 2003-meersumi § 5 imm. 2 naapertorlugu PMS atuarfiani sulisut tamarmik nalunaarutiginnittussaatitaapput.
C. Atuarfiup kinguneqartissinnaasaai
Atuartut atuarfimmi malittarisassanik atuuttunut malitsitsinngippata tullinnguuttunik kinguneqartitsisoqarsinnaavoq:
1. Avoqqaarlerneqassaaq mianersoqquneqarlunilu.
2. Allamut atuartsitiviusumut nuutsinneqassaaq.
3. Angajoqqaavi oqaloqatigineqassapput.
Ingasattumik kukkuluttortunut
4. Angerlartinneqartassaaq aammalu aasinneqartassalluni
5. Nalinginnaasumik atuarfiusussamiit sapaatip akunnera tikillugu anisitaaneq. Anisitsisoqartillugu atuarfimmi siulersuisut Upernaviup Kommuneanilu Meeqqanut kulturimullu ingerlatsivik nalunaarfigineqassapput.
Malittarisassat malinneqarnissaannut angajoqqaat, atuartut ilinniartitsisullu akisussaapput.
Atuanngitsoornermi periuseq
1. Ilinniartitsisut imlt atuartup nammineq ullut tamaasa protokoli immersortassavaat.
2. Akuerisaanngitsumik atuangitsoortoqartillugu tamanna atuarfiup angajoqqaanut oqarasuaatikkut allattaaviinulluunnit nalunaarutigissavaa.
3. Qaammatit tamaasa naanerini atuangitsoorsimanermut protokoli Meeqqanut kulturimullu ingerlatsivimmut nassiunneqassaaq.
Atuarfimmi siulersuisunit ulloq . februaari 2008 akuersissutigineqarpoq
Atuarfiup siulersuisuata siulittaasua Atuarfiup pisortaa
Martin Mørch Karoline Rosing
L.