• Aqutsisut

• A
• P
• M
• S

• A

• 

• 

↑     Atuarfiup pisortaanera

 

Atuarfik pillugu Inatsisartut peqqussutaanni nr. 8, 21. maj 2002-meersumi § 43-mi allassimavoq. ”Atuarfinni tamani pisortamik atorfinitsitsisoqassaaq taannalu atuarfimmi allaffissornikkut perorsaanikkullu sulinermi aqutsisuussaaq aammalu atuarfiup ingerlatsinera pillugu atuarfiup siulersuisuinut kommunalbestyrelsimullu akisussaasuulluni. Atuarfiup pisortaatut sulissaguni pineqartoq meeqqat atuarfianni ilinniartitsisussatut ilinniarneq imaluunniit ilinniarneq alla naalakkersuisut akuerisimasaat naammassillugu ilinniarsimasariaqarpoq.
Imm. 2. Atuarfiup pisortaata suliassat atuarfimmi atorfeqartut akornanni agguataarlugillu aqussavai, atuarfimmilu atuartut pillugit aalajangigassat aalajangersimasut tamaasa aalajangiiffigisassallugit, taamaattorli tak. § 26, imm. 2 aamma 3.
Imm. 3. Atuarfimmi pisortap ingerlatsinini atuarfimmi atorfeqartut suleqatigalugit ingerlatissavaa.
Imm. 4. Atuarfiup pisortaa, atuarfiup ukiumoortumik atuartitsinissamik pilersaarutaanik atuarfiullu suliassaanut allanut tunaartarisassanik, ukiut atuarfiusut tamaasa, atuarfiup siulersuisuinut siunnersuusiussaaq, tak. § 42 imm. 3 aamma 4, kiisalu atuarfiup aningaasatigut isertitassai aningaasartuutissaalu pillugit missingersuutinik siunnersuuteqassalluni, tak. § 42 imm. 5, kommunalbestyrelsip aningaasatigut sinaakkutissatut aalajangersagaasa iluanni, tak. § 38 imm. 2, nr. 1.

 

Peqqussutip anguniagai naammassiniarlugit, atuarfiup pisortaata immikkoortut tullinnguuttut nakkutigissavai:

 

Ulluinnarni sulinermik/perorsaanermik aqutsineq

 

Atuarfiup pisortaata atuarfimmi ulluinnarni sulinermut/perorsaanermut malitassanik pilersitsinissap malitsitsinissallu sapissanngilai.

Taakkununnga ilanngullugit:

                                - atuarfiup ingerlanneqarneranut anguniagassat ataatsimoorussat

                                - perorsaanerup ineriartortinneqarneranut peqataanissaq

                                - anguniakkap nalilersorneqarnissaata pitsaassutaatalu qulakkeerneqarnissaata        

                                  isumaginissaa

 

Aningaasaqarnikkut/allaffissornikkut aqutsineq

 

Atuarfiup pisortaa atuarfiup atorsinnaasaanut tamakkiisunut aalajangiisusaavoq, taamaasillutik atuarfiup anguniagaanut periusiinullu malitsinneqarlutik taamaasillunilu atuarfiup pingaarnertut suliassaanut atugassat pitsaanerpaat qulakkiissallugit.

Taakkununnga ilanngullugit:

•                                         - atugassat aqunneqarnerata isumaginissaa/missingersuutinut akisussaasuuneq

•                                         - pisinernut tamanut aqutsisuuneq

•                                         - Ilinniartitsisunut ataatsimiinnissanut pilersaarutinik sammisassatullu        

•                                           pilersaarutinik suliaqarneq

•                                         - skemaliorneq

•                                         - sulisut suliffissaasa aqunneqarnerat

•                                         - oktoberimi nalunaarusiassap siulliup suliarineqarnissaa

•                                         - immikkut atuartitsisoqarnissaanut innersuusiorneq

•                                         - atuarfiup siulersuisuinut suleqatigiinnissamullu ataatsimiititaliamut            

•                                           ”ataqatigiissaarisuuneq”

•                                         - akunnermusialinnut akissarsiassatut nalunaarutit

•                                         - akunnermusiallit akissarsiassaasa nalunaarutigineri

•                                         - atuartut atuanngitsoorfii/protokoli

•                                         - atuartut tapiiffigineqartartut atuanngitsoorneri – 9-10. klassimi atuartut    

•                                           tapiiffigineqartarput

•                                         - ilinniartitsisut atuanngitsoorneri

•                                         - qaammammusiallit akissarsiassaasa nalunaarutigineri

•                                         - unnukkut atuartitsinermut

 

Sulisunik aqutsineq

 

Atuarfiup pisortaa atuarfimmi suleqatigiinnermut qullersaasutut akisussaavoq.

Atuarfimmi pisortaq sallersaassaaq aalajangiussassanillu pisariaqartitanik aalajangiisassalluni sulisullu ataatsimoorlutik ”kivitseqataanissaannut” kajumissaasuussaaq.

Atuarfiup pisortaa:

•                         - aqutsinermini ersarissuussaaq

•                         - suleqatigiinnissamut kajumissaasuulluni ataqqeqatigiinnissamik pilersitsisuussaaq

•                         - sulisoqarnermut politikkimut, sunniuteqaqataanissamut oqartussaaqataanermullu atatillugu    

•                           malittarisassaqarnissaa isumagissallugu

•                         - suliassanik assigiinngitsunik agguaasuussaaaq sulisullu sinniisaannik suleqateqassaaq

•                         - sulisut ineriartorteqqinneqarnissaanut akisussaasuussaaq – Oqaloqatigiinnerit atorlugit    

•                           ilinniartitsineq

•                         - aaqqiiagiinnginnerit aaqqinnissaasa isumaginissaannut ujartuisoq peqataasorlu

•                         - atorfinitsitsinernut pisussaatitaaffinnik/pisussaaffinnik, taakkununnga ilanngullugit sullivinni

•                           atukkanut ilisimasaqartuussaaq

 

Pilersaarusiukkamik aqutsisuuneq

 

Atuarfimmi pisortaq siunissami pisussanut malinnaasuussaaq, atuarfiup ineriartortinneqarnissaanut peqataanissamut qitiulluni anguniagassatut aalajangiussanut suleqataasut paasinninnissaannut akuersaarnissaasalu qulakkeerlugit. Atuarfimmi pisortap iliuusissat inernerillu ataasiakkaat timitalersinneqarnissaannut akisussaasuuvoq – politikkikkullu ignerlariaatsimut tulluartumik ersarissalluni.

 

↑     Atuarfiup pisortaata tullersortaa

 

Suliassai akisussaaffiilu pingaarnerit ukuupput:

 

• - Nunaqarfiit atuarfiisa naatsorsuutaasa budgetiisalu ajunngitsumik       

  ingerlanneqarneranik nakkutilliineq.

• - Nunaqarfinni atuarfiit atuarfiillu illutaanik pigisaanillu nakkutiginninneq.

• - Aqutsineq nakkutiginninnerlu atuartitsissutinik pisinermi, katersinermi     

  agguaassinermilu (pigisanik ilitsiviit, atuagaasivik toqqorsivillu).

• - Skemaliorneq.

• - Atuartitsinerup pitsaassusaanik nakkutiginninneq perorsaanermilu   

  ilitsersuussineq timelærerinut.

• - Atuartitsissutinik ilitsersuisunut ilitsersuineq nakkutiginninnerlu.

• - Atuartitsinissanik pilersaarusiornerit, pensa, naleqquttumillu

  misilitsinnissanik piareersaaneq (Terminsprøvenut soraarummeernermullu)

  ilanngullugit karakteeriliineq atuarsimanermullu allagartartaartitsineq.

• - Ilinniartitsisut atuartullu peqanngittarnerinut nalunaarsuusiorneq.

• - Angajoqqaanut, innuttaasunut sullissivimmut susassaqartitsiniarlunilu

  ataatsimiititalianut attaveqaataaneq.

• - Atuartut nakorsiartarnerat / kigutilerisuliartarnerat.

• - Torsuusani nakkutilliisunut akisussaaneq.

• - Atuarfiup pisortaanit suliakkiunneqartut allat.

• - Atuarfiup pisortaanut tullersortaaneq, taassumalu peqannginnerani

  paarlattaaneq.

 

↑     Alloriarfimmi aqutsisoq

 

Aqutsisut alloriarfiillu akornanni ataqatigiisitsisuuvoq.

   

Aqutsisunik suleqateqarneq:

 

-  Aqutsisuni ataatsimeeqataaneq allanilu atuarfiup ataatsimut ineriartortinneqarneranut

-  Atuarfiup aningaasatigut aqunneqarnerani sunneeqataaneq

-  Alloriarfinnut nassuiaateqarneq

-  Alloriarfinniit nassuiaateqarneq

    

Alloriarfinnut tunngatillugu sullissineq:

 

-  Alloriarfinni suleqatigiinnut aqutsisoq aammalu taakkua ataatsimiinneranni aqutsisuussalluni

-  Alloriarfiit ataatsimiinnissaannik pilersaarusiornermi akisussaasoq

-  Alloriarfinni aaliangikkat piviusunngortinniarnissaannut akisussaasoq

-  Alloriarfiup oqaaseqartartua

-  Pamersaanerup ineriartortinneqarnissaanut  aammlu inatsisit atuutsinneqarnissaannut akisussaasoq

-  Alloriarfiit minnerit, akulliit angajulliillu akunnerini immikkoorutaasa ineriartornerannut akisussaasoq

-  Alloriarfiit sammisaqarnerini, angajoqqaanut attaveqarnernut aammalu pilersaarusioriikkanut 

   sammisaqarnerni ataqatigiissaarisoq

    

Atuarfimmut tunngatillugu suliassat:

 

-  Atuarfimmi susassaqartitsinermik ataatsimiititaliamut ilaasortaq

-  Atuarfiup ineriartorneq pillugu suleqatigiissitaanut ilaasortaq atuarfiullu ineriartorneq pillugu suliaanut 

   akisussaaffilik

 

Aqutsisut peqartinnagit immikkoortortami aqutsisoq atuartunut alloriarfinniittunut akisussaavoq aammalu  isumagissallugu immikkoortortani aqutsisut suleqatigalugit piffissami aqutsineq.

 

↑     Atuarfimmi siunnersorti

 

Ilinniartitsisunut atuaqatigiini anginerni inuussutissarsiutitigut siunnersuinissaannut ilinnialigassanullu toqqaatitsinernut isummersuineq  siunnersuinerlu.

 

Alloriarfinni aqutsisoq aamma klasselæreri peqatigalugit atuartunut angajoqqaanullu siunnersuinermi peqataaneq.

 

Efterskolenut ilinniaqqinnissanullu attuumassutilinnik paasissutissiissutinik ataatsimiisitsineq ingerlattassavaa.

 

Angajoqqaanik ataatsimiisitsinerni naammaginartumik sammisaminut tunngasunik peqataasassaaq.

 

Atuartuni misilitsittussani tamani atuartup iliuusissatut pilersaarusiorniarneranut klasselæreri suliaqarnissaanut ilitsersussavaa.

 

↑     Pitsaassusermik atuarfimilu inerisaasoq

 

 

 

↑     Atualerlaanut siunnersorti

 

Atuarfiup pisortaata akisussaaffigisaanut atualeqqaarnermut tunngasunik suliassanik naammassinninnissamut siunnersorti peqataassaaq atuarfiup pisussaaffigisaanut Atuarfik pillugu Inatsisartut peqqussutaat malillugu

 

Siunnersortip suliassaraa atuarfimmi atuartitsinerup pilersaarusiorneranut ataqatigiissarneranullu peqataanissaq, taassuma ilagalugu siunnersuinissaq aamma peqataanissaq ukunani:

            

            - atuarfiup angerlarsimaffiullu suleqatigiinneranni,

            - sungiussiartornissamut ininik pilersitsineq, taassuma ilagalugu meeqqerivinnik 

              atuarfiullu atuartitsisuinik suleqateqarneq,

            - immikkut perorsaanikkut ikiorsiinermik piareersaatinik aallarnisaaneq.

 

Sumiiffinni pikkorissarnissamut pilersaarusiornermi ingerlatsinermilu siunnersorti peqataassaaq aamma ataatsimiinnerni pilerlaanik ilinniartitsinermut tunngasuni aamma suli atualersimannginnermut tunngasuni

 

Minnerit atuarfii aamma inunnik isumaginnittoqarfik peqqinnissaqarfillu suleqatigalugit  naapisitsiniarnerni / pinaveersaartitsinerni suliniutini peqataasassaaq, isumagalugu atualeqqaarnermi  pamersaanermi  meeqqat ikiorneqarnissamut pisariaqartitsinersut.

 

Aallarterlaanut atuartitsinissamut pilersaarusiornermi ataqatigiissaarinermilu siunnnersortip suliassara peqataanissaq, tassani siuttuuffigissallugit:

            - atortussanik nalunaaruteqarneq aamma pisiat ataqatigiissarneri

            - atualerlaat ilinniartitsisuisa ilinniartitsisullu suleqatigiinnerisa ataqatigiissarnerat

 

↑     Immikkut atuartitsinermi siunnersorti

 

Siunnersortip suliassaraa immikkut atuartitsinissap piareersarneranut ataqatiissarneranullu peqataanissaq, taakkunani pisussaaffigalugit:

 

Annertuumik pinaveesaartitsisumik immikkut atuartitsinermi atorfissaqartitanik misissueqqissaarnermik suliaqarinninneq, naliginnaasumik immikkut atuartitsineq aamma annertusisamik immikkut atuartitsineq kiisalu immikkut atuartitsinerup annertussusianik, iluaqutaaneranik aamma aaqqissuussaneranik siunnersuineq,

 

Immikkut atuartitsinerup ilinniartitsisuinik pilersaarusiornermik, ingerlatsinermik aamma immikkut atuartitsinermi atuartitsinerup nalilersorneranik siunnersuineq ilitsersuinerlu,

 

Immikkut atuartitsinermi ilinniartitsisut nalunaarusiamik allannerini atuartitsissusiornerinilu siunnersuineq,

 

Skemanik inissitsiterinermi siunnersuummik suliarinninneq,

 

Atuartunik PPR-imut innersuussinermut atatillugu suliamik aaqqissussineq kiisalu suliamut tamatumunnga atasumik suliamik nangitsineq,

 

Klassimi immikkut ajornartorsiorfiusuni misissuineq

 

Atortussanik nalunaaruteqarneq aamma pisiassanik tulluarsaaneq

 

Immikkut atuartitsisartut akornanni aamma immikkut atuartitsisut ilinniartitsisullu akornanni suleqatigiinnermik tulluarsaaneq.

 

↑     Atuartitsissutini ilitsersuisoq

 

• Atuartitsinermi atuartitsissutip ingerlanneqarnera pillugu oqaloqatigiittarnerup nukittorsarnissaa

            - Misilittakkanik paarlaasseqatigiinneq

            - Ilisimasanik avitsivigeqatigiinneq

            - Siuariartuutit

• Anguniakkat alloriarfinni immikkoortuni anguniakkanut sanilliunneri

• Immikkut aallussassamik toqqaaneq

• Immikkut suliniutissanik piareersaaneq

• Atuartitsinermi sinaakkutit atugassarititaasullu oqaluuserinerat

• Atuartitsissut pillugu ataatsimut isumaqatigiissutit

• Aalajangersimasunik suliaqarnermi atuartitsissutillu akimorlugit atuartitsinermi atuartitsissutip  

   inissisimanera

• Atuarfiup atuagaateqarfiata ilinniarnermut sullivianik suleqateqarneq

• Atuartitsissutip atuartitsissutiginissaanut piareersarneq

• Inaarutaasumik misilitsinnissamut atuartitsinerup piareersarnera

• Nalilersuinissap / misiliinissap / ukiakkut misilitsinnissap piareersarnera

• Isumaqatigiissutit - soorlu  qarasaasianut piareersimaneq, atortussanik atuinermut, allallu.

• Atuffarissusermut isiginninnerup aamma atuffarissarnermik ilinniartitseriaatsip oqallisigineri

• Atuffarinnermut piginnaanerit takussutissiorneri

• Atortussanik saqqummiussineq naliliinerlu, pisinissanik isumaqatigiissutit

• Atortussanik pisiniarneq

 

 

Ilitsersuisup atortussat nalunaarsussavai toqqorsivinnullu inissitsiterlugit.

 

Ilitsersuisup atortussat inniminnigassat nutaat atuarfiup pisortaata tullianut ingerlateqqissavai.

 

Pilersuiffimmiit tikittoorutit Ilitsersuisup puuiarlugillu misissussavai isumagissallugulu nunaqarfinnut nassiussassat immikkoortiternissaat, kiisalu tikittoorutit sinneri toqqorsivimmut ilissallugit.

 

Ilitsersuisup nassiussassat pedel-inut tunniutissavai, taassumalu poortoriarlugit nassiukkiartussavai.

 

Ilitsersuisoq qinnuvigalugu misilitsinnissamut sammisanik misissueqquneqarsinnaavoq, ilanngullugulu misilitsinnermi atugassanik apeqqusiornermi ikiuutissasoq.

 

Allattariarsorluni misilitsinnermi atortussat Ilitsersuisup misissussavai, pisortallu tullia aqqutigalugu amigaatit inniminnerlugit.

 

Pisortap tullia amma alloriarfimmi aqutsisoq peqatigalugit  allattariarsorluni misilitsinnermi atortussanik agguaassinermi, misilitsereernerullu kingorna tamakkuninnga katersinermi Ilitsersuisoq peqataassaaq kiisalu inniminniinissamut atorsimasanik amigaataasunillu naatsorsuissaaq.

 

Ukioq atuarfiusoq naappat Ilitsersuisoq atortussanik naatsorsuisasaaq ilassutissanillu pisortap tullia aqqutigalugu inniminniissalluni.

 

↑     Atuartut rådianit saaffigisartagaq

 

Saaffigisartagaq tassaavoq, elevrådip suliaqarnermini ikorfartortissatut ikiortissatullu saaffigisartagassaat.

Saaffigisartagaq oqaluuserisassanik tunniussissanngilaq, kisianni elevrådip siunnersuutaasa qanoq kinguneqarsinnaanerinik atuartut ilitsersuiffigisinnaasariaqarpai.

 

Saaffigisartagaq ima iliuussaaq:

 

1) - elevrådimut qinersinermi ineriartorneranullu ikorfartuisuussaaq ilitsersuisuullunilu

2) - elevrådip suliaqarneranut siunnersuillunilu ikorfartuissaaq

3) - elevrådip sammisaqartitsineranut tunngassutilinnik elevrådimut atuarfimmullu ataqatigiissuutitsisussaq

 

Saaffigisartakkap suliassaqarfia:

 

1) - paasissutissiineq, atuartunut tunngasunik nassuiaaneq erseqqissaanerlu, ingerlatseriaatsit il.il isumagalugit 

      elevrådip ataatsimiinerinut peqataanissaq

2) - ataatsimiinnissanut tunngasunik ikiuunnissaq (soorlu ataatsimiiffissamik inniminniineq mappiussinerlu)

3) - elevrådip ataatsimiissutissaannik ataatsimiinnermilu pisunik allattuinermi ilusiliinermi kiisalu naqinnerini 

      agguaannerinilu atuartunut ikiuulluni ikorfartuineq

4) - sammisaqartitsinissanut aallarnisaanermut elevrådimut ikorfartuineq

5) - malittarisassnut, inatsisinut kaajallaasitalianullu elevrådimut ikiuunneq

6) - atuarfiup siulersuisuinut ataatsimiinnernut peqataasartunut elevrådip sinniisuinut ikorfartuineq

      (soorlu ataatsimiissutissanik eqqartuineq)

 

↑     Nakkutilliineq ilitsersuinerlu

 

 

 

 

 

L.

Copyright © 2009 Atuarfik Prinsesse Margrethe :: Webmaster: